熱門文章
基金投資懶人包-新手揀選 基金要留意啲咩？派息、種類，風險教學入門！
基金投資懶人包-新手揀選 基金要留意啲咩？派息、種類，風險教學入門！
簡單來說， 基金投資 就係收集眾多投資者嘅資金並且集成投資係股票、債券、貨幣及其他資產上，由基金經理以及投資團隊管理。一般基金持倉嘅股票或其他資產最少都有幾十隻，投資者能以較低嘅資金入手多種心儀嘅投資組合，達至分散投資風險嘅目的。
全球基金數以千計萬計，到底新手要從何入手揀選最適合自己嘅基金？ 選擇基金前，有幾樣因素篩選可以幫助您揀到。資產類別，投資地區，分派頻率（配息政策），風險評級，報價貨幣。
下文將會簡單介紹零售基金嘅分類，畀新手投資者有個初步了解。
一、揀選基金的資產類別
揀選基金最重要揀資產類別，基金可以分爲4大類：
「股票基金」主要以投資股票為主，所得的回報喺股票價格上漲的收益以及股東紅利，風險屬較高級別，適合想獲取高收益及長期報酬的投資者。
「貨幣基金」主要以投資各類貨幣為主，採短線投資策略，投資一啲一年內到期、高流動性隨時可以套現，又會產生利息的投資商品。由於貨幣市場的風險較低、所以回報率都較為穩定，通常比定存高少少。適合有閑錢想收息兼具流動性的投資者。
「債券基金」主要以投資各類債券為主，長期穩定收益且風險屬於比較中低級別；
「平衡基金」就是一種大包圍類型的基金，可同時購買股票、債券，現金等，回報及風險屬於中等級別。適合想分散風險的投資者。
二、揀選基金的投資地區
基金亦有按地區分類，投資者如比較睇好某國家或地區的經濟前景或行業發展等，可以揀選以該國或地區為投資目標的基金。例如亞太、新興市場、歐洲，美國的基金。假若沒有特定心水偏好，亦可以揀選全球型基金，投資範圍涉及全球眾多國家的市場。
三、揀選基金的投資貨幣
每隻基金會以一種貨幣進行投資買賣，您需要選擇以邊一種貨幣作為投資。除咗用港幣，人民幣同美元買賣，外幣都可以。將手上有的外幣用嚟投資基金，既可財富增值又可以分散貨幣的風險。
四、揀選基金的分派頻率(配息政策)
基金有分派息(Distribution) 及累積(Accumulation) 型。「派息」是指基金公司定期分派特定的百份比收益畀投資者，派息次數有分月配息、季配息、半年配、年配等級別。投資者需留意是否派息以及派息率都喺由基金公司按投資策略酌情決定；而「累積」型是指基金公司會將投資的收益累積喺基金中，繼續「錢滾錢」投資，直至投資者贖回基金。
五、揀選基金的風險評級
投資者喺揀選基金前，不要忘記睇清楚基金嘅風險評級，1喺最低風險，5喺最高風險。根據自己嘅承受能力去決定可接受嘅風險程度，切忌越級打怪。
1喺保守型（如貨幣市場基金）
2喺平穩型（如債券、固定收益基金）
3喺均衡型（如均衡基金）
4喺增長型（如股票基金）
5喺進取型（如股票基金）
若果你手頭上有100,000元，自行購買股票只能夠買到幾隻，而投資基金變相能夠將風險分散到幾十隻股票上。 好處係有專業人士全天候分析，篩選優質嘅投資標的及策略，並緊貼追蹤市場經濟環境調整資產組合配置。對各類資產投資了解不多及生活忙碌嘅一族，既可省卻時間又能夠有人幫手「錢滾錢」，所以都成為一眾投資新手及懶人嘅心水之選。
延伸閱讀︰【基金收費一覽】5大主要收費，點解要收表現費？管理費？